შავი პარასკევი 2023

რა არის შავი პარასკევი

შავი პარასკევი ყოველწლიური სავაჭრო ღონისძიებაა. ის სათავეს შეერთებულ შტატებში იღებს და დაკავშირებულია ე.წ. “Thanksgiving” - მადლიერების დღესასწაულთან, რომელიც ნოემბრის მეოთხე ხუთშაბათს იმართება. შავი პარასკევი კი მადლიერების დღის შემდეგი დღეა.

ტერმინი "შავი პარასკევი" პირველად 1960-იანი წლების დასაწყისში ფილადელფიაში გამოჩნდა. მას თავდაპირველად უარყოფითი დატვირთვა ჰქონდა და პოლიცია ქაოტური და გადატვირთული ქუჩების აღსაწერად იყენებდა, როდესაც მყიდველები მადლიერების დღის შემდეგ მაღაზიებში მიიჩქაროდნენ.

ამ პერიოდში თითოეული კომპანია ცდილობს გამორჩეული ფასდაკლებები შესთავაზოს მომხმარებელს. შავი პარასკევი საქართველოში ბოლო წლებია ძალიან პოპულარული გახდა. GrowGrow დიდი ხანია ჩართულია ამ დღესასწაულში და მომხმარებელს ყოველ წელს საუკეთესო პირობებს სთავაზობს.

რაც შეეხება კონკრეტულად კანაფსა და შავ პარასკევს, კანაფს შეერთებულ შტატებში ამ პერიოდთან განსაკუთრებული კავშირი აქვს. ამერიკელების 25% ამბობს, რომ არდადეგებზე ოჯახური ვიზიტები სტრესულია და ერთ-ერთი ასეთი დღესასწაული მადლიერების დღე გახლავთ. კვლევის თანახმად, ამერიკელი მშობლების დაახლოებით 15% იყენებს კანაფს დღესასწაულთან დაკავშირებული სტრესის დასაძლევად.

კვლევამ ასევე დაადგინა, რომ კანაფის მომხმარებელთა 37% THC-ით გაჟღენთილ საკვებს ამზადებს მადლიერების დღისთვის.

რა კავშირშია ფასდაკლებები და შავი პარასკევი

შავი პარასკევის, როგორც მთავარი სავაჭრო დღის კონცეფცია თანდათან გავრცელდა შეერთებულ შტატებში. 1980-იან და 1990-იან წლებში იგი გახდა ფართოდ აღიარებული მოვლენა და ტრადიციადაც იქცა.

გაყიდვები განსაკუთრებით იზრდება ამ პერიოდში, რადგან როგორც უკვე ვახსენეთ, ეს პერიოდი მიიჩნევა სადღესასწაულო სეზონის დასაწყისად და მაღაზიები დიდი ფასდაკლებებით ცდილობდნენ ვაჭრობის წახალისებას.

მაღაზიებმა კარების გაღება დილით ადრე, ხშირად დილის 5 საათზე ან უფრო ადრე დაიწყეს, რათა მყიდველების დიდი რიგები შეემცირებინათ. ზოგიერთმა მაღაზიამ შუაღამისას დაიწყო გახსნა, რაც შემდეგ ცნობილი გახდა, როგორც "შუაღამის სიგიჟის" გაყიდვები.

ინტერნეტისა და ელექტრონული კომერციის მოსვლასთან ერთად, შავი პარასკევი გაფართოვდა ფიზიკური მაღაზიების მიღმა. ონლაინ საცალო მოვაჭრეებმა ასევე დაიწყეს მნიშვნელოვანი ფასდაკლებების შეთავაზება შავ პარასკევს.

შესაბამისად, აქცია - “შავი პარასკევი” გულისხმობს დიდ ფასდაკლებას უამრავ პროდუქციაზე. მაგალითად, მხოლოდ ონლაინ, 2022 წელს 9.12 მილიარდი დოლარის გაყიდვები დაფიქსირდა მთელი მსოფლიოს მასშტაბით.

დღესდღეობით, ონლაინ თუ რეალურ სივრცეში სხვადასხვა მაღაზიები მომხმარებლებს ყველა პროდუქციაზე დაახლოებით 30-90%-იან ფასდაკლებას სთავაზობენ.

საუკეთესო ფასდაკლებები შავი პარასკევის განუყოფელი ნაწილია და გროუგროუ განსაკუთრებულ პირობებს სთავაზობს საკუთარ მომხმარებელს.

შავი პარასკევი საქართველოში

ვახსენეთ, რომ შავი პარასკევი საქართველოში საკმაოდ პოპულარულია. ეს ტრადიცია ჩვენთან ბოლო ათწლეულია რაც დამკვიდრდა და ბოლო პერიოდია განსაკუთრებული პოპულარობით სარგებლობს. დედაქალაქი მოწინავეა ამ მხრივ და შავი პარასკევი თბილისში ყველაზე დიდი არჩევანით სთავაზობს მომხმარებელს სხვადასხვა პროდუქციას.

გროუგროუს ქსელში, როგორც თბილისში, ისე ყველა სხვა ფილიალში საუკეთესო პირობები დაგხვდებათ. ასე რომ, თუ დიდი ხანია რაც სრულიად ახალი გროუ ბოქსის შეძენა, ან კანაფის თესლების მარაგი გსურთ გაამდიდროთ, იჩქარეთ, რადგან ყველაფერი დასწრებაზეა.