რა არის სასუქები
ისეთ საკვებ ნივთიერებებს, რომლებიც მცენარეებს ზრდისა და განვითარებისათვის ესაჭიროება ნუტრიენტები ეწოდება. ეს ნუტრიენტები კი მნიშვნელოვანი კომპონენტია სხვადასხვა ფიზიოლოგიური პროცესებისათვის, მაგალითად, ფოტოსინთეზის, უჯრედების გაყოფისა და ისეთი აუცილებელი მოლეკულების ფორმირებისათვის, როგორებიცაა, დნმ და ცილები.სასუქი სწორედ ნუტრიენტების ერთობლიობაა და ის იმ ნივთიერებათა ნარევს წარმოადგენს, რომელიც ნიადაგის განოყიერებისა და საკვები ნივთიერებების საჭირო ოდენობით შევსებას უზრუნველყოფს. შეიძლება ითქვას, რომ ეს ნივთიერებათა ნაზავი ნიადაგის ბუნებრივ ნაყოფიერებას აძლიერებს და ავსებს მას საჭირო მინერალებით.
როგორც წესი, ამ პროდუქტის შემადგენლობაში შედის ისეთი კომპონენტები, რომლებიც მცენარეებს ზრდისა და განვითარებისათვის სჭირდება, მაგალითად, აზოტი, ფოსფორი, კალიუმი, რკინა, თუთია და სხვა.
როგორ შევარჩიოთ მცენარის შესაბამისი სასუქი
მცენარისათვის სწორი საკვები ნივთიერებების შერჩევა მისი ზრდა განვითარებისათვის გადამწყვეტია. აღსანიშნავია, რომ საჭირო საკვები ნივთიერებები შესაძლოა განსხვავდებოდეს მცენარის ტიპის, მისი ზრდის სტადიისა თუ ნიადაგის პირობების მიხედვით.მცენარეებს ერთმანეთისაგან განსხვავებული საჭიროებები აქვთ, შესაბამისად სხვადასხვა სახისა და რაოდენობის სასუქი ესაჭიროებათ. სწორედ ამიტომ, თავდაპირველად გაიგეთ თქვენი მცენარეების სპეციფიკური საჭიროებები, მაგალითად, საკვები ნივთიერებებისა და PH პრეფერენციები, ზრდის ეტაპები და ა.შ.
საკვები ნივთიერებების საჭიროების სწორად განსასაზღვრად სასურველია თუ ნიადაგის ტესტს ჩაატარებთ, რაც დეფიციტური მინერალების გამოვლენის შესაძლებლობას მოგცემთ. გახსოვდეთ, რომ ნიადაგის რეგულარული მონიტორინგი ძალიან მნიშვნელოვანია. ამით აღმოაჩენთ, როგორც ნაკლოვანებებს, ისე ჭარბ ნივთიერებებს.
მნიშვნელოვანია ნივთიერებების შემცველობის განსაზღვრა. მაგალითად, ფოსფორი ხელს უწყობს ფესვების განვითარებასა და ზრდას. კალიუმი კი აძლიერებს მცენარის უნარს, წინააღმდეგობა გაუწიოს მავნებლებსა და დაავადებებს. რაც შეეხება აზოტს, ეს უკანასკნელი უნდა გამოიყენოთ მაშინ, როცა მცენარე მნიშვნელოვნად გაიზარდა ან დაიწყო ყვავილობა. წინააღმდეგ შემთხვევაში აზოტის ჭარბი რაოდენობა შეამცირებს ნაყოფიერებას.
ამის შემდგომ შეგიძლიათ შეიძინოთ სასუქი, რომელიც გაჯერებულია იმ კონკრეტული ნივთიერებებით - ფოსფორი, აზოტი, კალიუმი და ა.შ. - რომლის ნაკლებობასაც ნიადაგი განიცდის.
GrowGrow-ს გროუშოპებში ხელმისაწვდომია სასუქები სხვადასხვა ტიპის მცენარეებისა და საჭიროებებისათვის. აღსანიშნავია, რომ აქ წარმოდგენილია პროდუქტები, როგორც გამოცდილი, ისე დამწყები გროუერებისათვის.
ხშირად დასმული კითხვები
სასუქები ხელმისაწვდომია, როგორც მშრალი, ისე სითხის სახით. მშრალი გულისხმობს ფხვნილს ან კრისტალების ფორმის ნივთიერებას, ხოლო სითხე წყალში ნაზავის შედეგად მიღება. ასე, რომ შეგიძლიათ თქვენთვის სასურველი ვარიანტი შეარჩიოთ.
გამოყენებისას მნიშვნელოვანია გაითვალისწინოთ მცენარის განვითარების რომელ სტადიაზე უნდა გამოიყენოთ სასუქი. თუ ამ საკითხს ბოსტნეულის მაგალითზე განვიხილავთ, მაშინ კომბოსტო, ყვავილოვანი კომბოსტო და ბროკოლი სასუქით უნდა განოყიერდეს გადანერგვიდან 3 კვირაში, ხოლო ბარდა, ლობიო, წიწაკა და კიტრი ყვავილობის დაწყების შემდეგ.
მიწის განოყიერებისათვის სეზონი ყურადღებით შეარჩიეთ. ზოგადა, ეს პროცესი ადრეულ გაზაფხულზე ან ზაფხულის დასაწყისში ხდება, როდესაც მცენარეების ზრდის აქტიურ ფაზაშია. მოერიდეთ გვიან სეზონურ განაყოფიერებას.
სასუქის გამოყენების შემდეგ, ტერიტორია კარგად მორწყეთ. ეს ხელს შეუწყობს ნივთიერებების დაშლასა და მცენარის ფესვებში გადატანას. გაითვალისწინეთ, რომ წყლის ჭარბმა რაოდენობამ შესაძლოა სასუქი გადარეცხოს.
იმ შემთხვევაშიც კი თუ სასუქს აქტიურად იყენებთ, რეგულარულად აკონტროლეთ მცენარეები და ნიადაგი დეფიციტური ან ჭარბი ნივთიერებების გამოსავლენად.
ბიო სასუქები
ბიო სასუქები ბიოლოგიური პროდუქტებია, რომელიც ისეთ ცოცხალ მიკროორგანიზმებს შეიცავს, როგორებიცაა: ბაქტერიები, სოკოები ან წყალმცენარეები. აღსანიშნავია, რომ ბიოლოგიური სასუქი საკვები ნივთიერების პირდაპირი წყარო არ არის. სამაგიეროდ, ის მცენარეს აძლიერებს და ნიადაგიდან საკვები ნივთიერებების მაქსიმალური ათვისების უნარს აძლევს.
მინერალური სასუქები
მინერალური სასუქები სინთეზური ან ბუნებრივად წარმოქმნილი ქიმიური ნივთიერებებია, რომლებიც მცენარეებს აუცილებელი საკვები ნივთიერებებით უზრუნველყოფენ და მოიცავს ისეთ ნუტრიენტებს, როგორებიცაა აზოტი, ფოსფორი, კალიუმი და სხვა. როგორც წესი, მინერალური სასუქები არაორგანული წყაროებიდან მიიღება.
სასუქების მთავარი უპირატესობა ნიადაგის გაუმჯობესებული მდგომარეობაა. გამომდინარე იქიდან, რომ ბიოსასუქები სასარგებლო მიკროორგანიზმებს შეიცავს, მათ ხარჯზე უმჯობესდება ნიადაგის სტრუქტურა და იზრდება ორგანული ნივთიერებების შემცველობა. ამასთანავე, მცენარის მიერ მინერალების უკეთ ათვისება ხდება, რად მნიშვნელოვნად ზრდის ნაყოფიერებას.
მნიშვნელოვანია ისიც, რომ სასუქები აძლიერებს მცენარის წინააღმდეგობას პათოგენებისა თუ მავნებლების მიმართ და ამცირებს ქიმიური პესტიციდების საჭიროებას. საბოლოოდ კი ხელს უწყობს სოფლის მეურნეობის განვითარებას.
დამატებითი კითხვების შემთხვევაში გთხოვთ დაგვიკავშირდეთ