ფოტოპერიოდული კანაფის მოვლა ყვავილობის პერიოდში

Ფოტოპერიოდული კანაფის მოვლა ყვავილობის პერიოდში განსაკუთრებით პრიორიტეტულია. ამ დროს ყურადღების ნაკლებობამ შეიძლება მნიშვნელოვნად იმოქმედოს მოსავლის ზომასა და ხარისხზე. თუმცა, რამდენიმე მარტივი ხრიკით, თქვენ გარანტირებული გაქვთ საუკეთესო შედეგი.

სანამ კონკრეტულ რჩევებზე გადავალთ, თუ როგორ ხდება ზემოთ აღნიშნული მცენარის  მოვლა ყვავილობის პერიოდში, მოდი ვისაუბროთ საწყის ეტაპზე. 

როდის იწყება ყვავილობის პერიოდი?

ყვავილობის პერიოდი დაიწყება მაშინ, როდესაც მცენარეები მიიღებენ სპეციფიკურ სინათლის ციკლს, რომელიც იწვევს ვეგეტაციური ზრდის ფაზიდან ყვავილობის ფაზაზე გადასვლას. ფოტოპერიოდულ კანაფის ჯიშებს ყვავილობა დაეწყება მას შემდეგ, რაც განათებას 12-საათიან სინათლის/12-საათიან სიბნელის პერიოდებად დაყოფთ. 

ვეგეტატიურ სტადიაზე, ფოტოპერიოდულ კანაფის მცენარეებს სჭირდებათ უფრო ხანგრძლივი განათება (ჩვეულებრივ, 18 საათი დღეში), რათა ხელი შეეწყოს “ენერგიულ” ზრდას. თუმცა, როცა გინდათ, რომ მცენარეები ყვავილობის სტადიაში შევიდნენ, სინათლის ციკლი უნდა გადაიყვანოთ 12 საათიან განათებაზე, რასაც მოჰყვება 12 საათიანი უწყვეტი სიბნელე ყოველ დღე.

სინათლის ციკლის ცვლილება ასახავს ბუნებრივ სეზონურ ცვლილებებს, რომლებიც ხდება გარეთ, რადგან ზაფხულიდან შემოდგომამდე გადასვლისას დღეები მცირდება. მცენარე ამ ცვლილებას აღიქვამს როგორც სიგნალს ყვავილობის დაწყების შესახებ, გრძნობს ზამთრის მოახლოებას, და იწყებს ყვავილობას, რათა მოასწროს იდეალური მწიფობა. 

12/12 სინათლის ციკლის დაწყების შემდეგ, ჩვეულებრივ, რამდენიმე დღიდან რამდენიმე კვირამდე მცენარეები ავლენენ ყვავილობის პირველ ნიშნებს. ზუსტი დრო შეიძლება განსხვავდებოდეს კანაფის ჯიშის, ზრდის პირობებისა და მცენარეების ჯანმრთელობის მიხედვით.

გაითვალისწინეთ, რომ ავტომოყვავილე კანაფის თესლები გამონაკლისია ამ წესიდან. ავტომოყვავილე ვარიანტი ვეგეტატიური სტადიიდან ყვავილობის სტადიაზე გადადის ასაკის მიხედვით, განურჩევლად მათ მიერ მიღებული სინათლის ციკლისა. ეს მცენარეები, როგორც წესი, იწყებენ ყვავილობას გამწვანებიდან გარკვეული კვირის შემდეგ, სინათლის ციკლის მიუხედავად.

როგორ მოვუაროთ ფოტოპერიოდულ კანაფს ყვავილობისას

როგორც აღვნიშნეთ, ფოტოპერიოდული კანაფის მოვლა ყვავილობის პერიოდში გადამწყვეტია მოსავლიანობის მაქსიმალური გაზრდისა და მაღალი ხარისხის კვირტების უზრუნველსაყოფად. აქ მოცემულია რამდენიმე მნიშვნელოვანი რჩევა:

• სინათლე: დარწმუნდით, რომ მცენარეები ყოველდღიურად იღებენ 12 საათის უწყვეტ სიბნელეს და 12 საათს კაშკაშა შუქს. გამოიყენეთ მაღალი ხარისხის კანაფის განათება, რომელიც სპეციალურად შექმნილია ყვავილობისთვის, როგორიცაა მაღალი წნევის ნატრიუმის (HPS) ან LED ნათურები.
  
  
• ნუტრიენტები: შეცვალეთ კანაფის “კვების რეჟიმი” აყვავებული მცენარეების მოთხოვნილებების დასაკმაყოფილებლად. ამ ეტაპზე, კანაფის საჭიროებაა მეტი ფოსფორი და კალიუმი და ნაკლები აზოტი. გამოიყენეთ ყვავილობისთვის სპეციფიკური სასუქები, რომლებსაც მაღალი PK (ფოსფორი-კალიუმი) თანაფარდობა აქვთ.
  
  
• მორწყვა: ყურადღებით ადევნეთ თვალი მცენარის წყლის საჭიროებებს. მოერიდეთ ზედმეტ მორწყვას, რადგან ამან შეიძლება გამოიწვიოს ფესვების ლპობა და სხვა პრობლემები. ნიადაგის ზედა ფენა უნდა გამშრალი უნდა იყოს, სანამ კვლავ მორწყავთ. გამოიყენეთ სუფთა, pH-დაბალანსებული წყალი, რათა თავიდან აიცილოთ საკვები ნივთიერებების დაბლოკვა.
  
  
• ტემპერატურა და ტენიანობა ყვავილობის პერიოდში: შეინარჩუნეთ ოპტიმალური ტემპერატურის დიაპაზონი 18-26°C დღის განმავლობაში და ოდნავ დაბალი დიაპაზონი ღამით. ტენიანობის დონე უნდა იყოს დაახლოებით 40-50%, რათა არ გაჩნდეს დაობების რისკი.
  
  

•  ვენტილაცია და ჰაერის კონტროლი: ჰაერის კარგი მიმოქცევა სასიცოცხლოდ მნიშვნელოვანია ობის თავიდან ასაცილებლად და ჯანსაღი ზრდის ხელშეწყობისთვის. ამისთვის დაგჭირდებათ ხარისხიანი ჰაერის გამწოვები და ნახშირის ფილტრები.
  
  
• გასხვლა და ზრუნვა: რეკომენდებულია, რომ ყვავილობის დროს მოერიდოთ აქტიურ გასხვლას. თუმცა, თქვენ მაინც შეგიძლიათ მოაცილოთ მკვდარი ან გაყვითლებული ფოთლები. 
  
  
• მავნებლებისა და დაავადებების პრევენცია: რეგულარულად შეამოწმეთ მცენარეები მავნებლებისა და დაავადების რაიმე ნიშანი ხომ არ არსებობს. ასეთის არსებობის შემთხვევაში მიიღეთ პრევენციული ზომები და გამოიყენეთ მცენარეთა მოვლის საშუალებები.
  
  
• საყრდენი: როდესაც კვირტები იზრდება და მძიმდება, მათ შეიძლება დასჭირდეთ მხარდაჭერა, რათა ტოტები ძალიან არ მოიხაროს, ან საერთოდ არ მოტყდეს. გამოიყენეთ მცენარის ბადეები და სხვა საშუალებები მცენარის დასაჭერად.
  
  
• ტრიქომების მონიტორინგი: თვალი ადევნეთ ტრიქომებს მოსავლის აღების შესაფერისი დროის დასადგენად. როდესაც ისინი რძიანი თეთრი ან ქარვისფერი ხდება, ეს ჩვეულებრივ იმის ნიშანია, რომ მცენარე მზად არის მოსავლის ასაღებად.
  
  
• მოერიდეთ სტრესს(თქვენ და მცენარეც): მინიმუმამდე დაიყვანეთ მცენარეთა სტრესი ყვავილობის ეტაპზე. სტრესში იგულისხმება გადაჭარბებული სასუქით მოვლა, მცენარეების ხშირი გადაადგილება და გარემოში მნიშვნელოვანი ცვლილება.

გახსოვდეთ, რომ კანაფის სხვადასხვა ჯიშს შეიძლება ჰქონდეს ოდნავ განსხვავებული მოთხოვნები, ამიტომ ყოველთვის ყურადღებით დააკვირდით თქვენს მცენარეებს და შესაბამისად დაარეგულირეთ მოვლის მეთოდები.

კანაფის თესლების მაღაზია “გროუგროუს” ქსელში ჩვენი თანამშრომლები დაგეხმარებიან და გაგიზიარებენ დეტალურ ინფორმაციას როგორ მიაქციოთ ყურადღება მცენარეს. გარდა იმისა, რომ შესაძლებელია საუკეთესო ხარისხის კანაფის თესლების ყიდვა, ასევე არც ინვენტარისა და აქსესუარების ნაკლებობას განვიცდით. სხვადასხვა ტიპის განათებები, გროუ ბოქსები, კომპლექტაციები, სასუქები და სუბსტრატები დაგეხმარებათ იდეალური პირობები შეუქმნათ მცენარეს.

მაგრამ, აუცილებელია თქვენი ჩართულობაც. გაითვალისწინეთ ჩვენი რჩევები, ყურადღება მიაქციეთ მცენარეს და შედეგი ნამდვილად არ გაგიცრუებთ იმედებს.